Туркия ҳукумати сўнгги ярим йил ичида 1,6 мингдан ортиқ кишини ижтимоий тармоқлар орқали терроризмни қўллаб-қувватлаш ёки мамлакат раҳбариятини ҳақорат қилиш айбловлари бўйича ҳибсга олди, дея хабар бермоқда «ТАСС» республика ички ишлар вазирлигига таяниб.
«Сўнгги олти ой ичида 3710 киши ижтимоий матбуот орқали нафрат уруғини сочганлик, мамлакат раҳбариятини ҳақорат қилганлик, мамлакат ҳудудий яхлитлиги тамойилларини таъна-маломатлар остида қолдирганлик, терроризмни тарғиб қилганлик, ўзларининг террорчилик гуруҳларига алоқадорлигини даъво қилганликлари учун, уларнинг иши суд тартибида кўриб чиқилди», — дейилади ИИВ баёнотида.
Охир-оқибат, 1656 киши ҳибсга олинди, 1,2 минг киши доимий равишда полиция кузатувида бўлиш шарти билан суд назорати остида қўйиб юборилди.
«Яна 10 минг кишига нисбатан тергов ёки суд жараёнлари давом этмоқда. Ҳукумат, бошқа соҳаларда бўлгани каби, ижтимоий тармоқларда ҳам терроризмга қарши қатъий кураш олиб боришда давом этмоқда», — дея таъкидлади вазирлик.
Изоҳ (0)