«Википедия» 2016 йилда энг кўп тузатиш ва таҳрир қилинган мақолалар рўйхатини эълон қилди. Бу ҳақда TJournal хабар бермоқда.
Интернет-ресурсга кўра, жорий йилда оламдан ўтган боксчи Муҳаммад Али, хонанда Дэвид Боуи, астронавт Жон Гленн ва бошқа машҳур инсонлар ҳақидаги мақолалар энг кўп таҳрир қилинган. «2016 йили ўлганлар» тоифасидаги материалларга жами 18230 та ўзгариш киритилган.
Кейинги ўринларни сиёсий воқеалар билан боғлиқ мақолалар эгаллаган. Жумладан, Дональд Трамп ҳақидаги мақола 8933 маротаба таҳрир этилган. Шунингдек, «АҚШдаги президентлик сайловлари», «Ҳиллари Клинтоннинг президентлик кампаниясини қўллаб-қувватлаш» ва «Республикачилар партияси президентлик праймеризи» каби материаллар ҳам энг кўп ўзгартирилган материаллар қаторидан ўрин олди.
Қизиқ томони, мазкур рўйхатнинг 10-қаторини «2016 йилда Жанубий Корея мусиқаси» (5074 ўзгариш) номли мақола, 20-қаторини эса машҳур мусаввир Винсент Ван Гог (3551 тузатиш) ҳақидаги материал эгаллади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)