Тошкентда Ёшлар ҳафталигининг бир қисми — Миллий интернет танлови доирасида «Роботлар жанги» уюштирилди. «Камолот» ҳаракатининг маълум қилишича, биринчи марта мамлакат миқёсида ўтказилган танловда 30 га яқин талаба ва ўқувчилар ўз роботлари билан қатнашган.
Хабар беришларича, «Роботлар жанги» танлови Ўзбекистон Ахборот технологиялари ва коммуникацияларини ривожлантириш вазирлиги, «Камолот» ёшлар ижтимоий ҳаракати, БМТ Тараққиёт дастури, Тошкентдаги Турин политехника университети, Тошкентдаги Инҳа университети ва Тошкент ахборот технологиялари университети ҳамкорлигида ташкил этилган.
Жанглар икки — MINI-Sumo ва LEGO-Sumo йўналишлари бўйича ўтказилган. Ҳар иккала йўналиш бўйича Тошкентдаги Турин политехника унирвеситети талабалари ишлаб чиққан роботлар ғалаба қозонган.
Университет маъмуриятидан «Дарё»га маълум қилишларича, олийгоҳнинг Robo Technics жамоаси MINI-Sumo йўналишида биринчи ўринни эгаллаган, RDCM жамоаси эса LEGO-Sumo роботлар жангида тенгсиз деб топилган.
Жанглар бошланишидан аввал «Энг яхши робототехник», «Энг яхши жамоа», «Энг яхши технологик робот», «Энг яхши дизайндаги робот» номинациялари бўйича ҳам ғолиблар аниқланиши айтилган эди. Бироқ танлов якунлари ҳақидаги расмий хабарларда бу номинациялар ғолиблари тилга олинмаган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)