Германиянинг Фрайбург-им-Брайсгау шаҳрида меъморий қиёфаси Frey Architekten фирмаси томонидан яратилган 16 қаватли Smart Green Tower биноси барпо этилади. Лойиҳани ишлаб чиқишда Фраунгофер номли Германия қуёш энерготизимлари институти ва Siemens концерни иштирок этади, дея хабар беради «ТАСС».
Уй паст ёруғликка мослаштирилган фотоэлектр панеллар билан жиҳозланади. Лойиҳа муаллифлари уларнинг бино фасадида жойлашгани ва ўзаро бир-бири билан боғланиш тизимини янгилик деб атамоқда. Энергия 0,5 мегаваттли литий-ионли батареяда тўпланади. Унга қўшимча равишда узлуксиз таъминотга ёрдам берадиган, қайта тикланувчи электр энергиясидаги узилишларни бирхиллаштирувчи ванадийли редокс аккумуляторлар ўрнатилади.
Уй ичида электр симлари доимий кучланишдаги ток билан таъминланади. Бироқ бино ўзидаги ортиқча электр энергиясини тармоққа узатиш имконига эга бўлади.
Бу Германиядаги тикланувчи энергиядан фойдаланишга асосланган биринчи қурилиш лойиҳаси эмас. Frey Architekten фирмаси лойиҳаси бўйича ташқи манбалардан энергия олмайдиган ёки одатдагидан ўнлаб баробар кам истеъмол қиладиган уйлардан ташкил топган «Хайдельберг» уй-жой комплекси қурилмоқда.
Германия ҳукумати томонидан қабул қилинган Энергетика концепциясига кўра, 2050 йилга келиб мамлакатда электр энергиясига бўлган талаб тўлиқ қайта тикланувчи энергия манбалари ҳисобидан қопланиши лозим.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)