Жорий йилнинг 20 декабрь куни Наманган Ёшлар марказида «Ҳоким ва ёшлар» учрашуви ташкил этилди. Мазкур учрашувда Наманган шаҳар ҳокими, шаҳар васийлик Кенгаши раиси Баҳодир Беҳоджаев иштирок этди.
Учрашувда ёшлар шаҳар ҳокимига ўзларини қийнаётган масалалар, хусусан, шаҳарнинг айрим йўлларида автотранспорт қатнови яхши эмаслиги ва бу нарса ўқувчиларининг эрталаб ўқишга кечга қолишларига сабаб бўлаётгани, Game club’ларнинг ўқув муассасалари яқинида жойлашгани баъзи бир ўқувчи ёшларнинг дарслардан чалғишларига сабаб бўлаётгани ва шунга ўхшаш муаммолар билан мурожаат қилди.
Шаҳар ҳокими Баҳодир Беҳоджаев мазкур масалалар атрофлича ўрганилиб тез орада ечимини топишига ваъда берди.
Учрашув давомида шаҳар ёшлари томонидан тайёрланган «Жаҳолатга қарши маърифат» номли саҳна кўриниши ижро этилди.
Тадбир сўнгида шаҳарнинг ижтимоий-сиёсий ҳаётида фаол иштирок этаётган бир гуруҳ ёшлар шаҳар ҳокимининг ташаккурномаси ва эсдалик совғалари билан тақдирланди.
Изоҳ (0)