Голландиянинг диққатга сазовор 10 та антиқа жойи (фотогалерея)

Голландия майдони жиҳатидан катта бўлмаса-да, бу ерда қизиқарли ва диққатга сазовор жойлар етарлича. Голландияга ташриф буюраётган сайёҳлар сони йилдан йилга ортиб бормоқда ва мамлакат Европадаги энг яхши туристик йўналишларидан бирига айланмоқда. Travel Ask лолалар мамлакатининг 10 та осори-атиқалари ҳақида маълумот берди.

Мусо кўприги, Шимолий Брабант

Шимолий Брабантдаги Форт де Рувер қалъасига ўтиш учун сувда чўккан антиқа кўприкдан ўтиш керак бўлади.

Слауэрхоф кўприги, Леуварден

Ван Дриэл Мечатрониcа компанияси мутахассислари кемаларнинг тўсиқларсиз кўприкдан ўтиши учун ғаройиб кўтарма конструкция ишлаб чиққан. Халқ орасида у «очиладиган учар кўприк» номини олган.

Голландия «Венецияси», Гитхорн

Одамлар фақатгина қайиқларда ҳаракатланадиган мазкур кўркам қишлоқ Европада ягона саналади. Голландия «Венецияси»да на автомобиллар ва на йўллар мавжуд. Шу сабабли бу ерга ташриф буюрувчилар ўз автомобилларини аҳоли яшаш пунктида ташлаб келади.

Лола майдонлари, Кёкенхоф

Кёкенхофнинг лола майдонларини гуллаган вақтда кўриш керак.

Ташландиқ қаср, Алмере

Бу бир кўринишдан қадимги қасрга ўхшаш жой эмас. Аслида бу 1999 йили қурилиши бошланган замонавий меҳмонхонадир. Молиявий қийинчиликлар туфайди у охирига битмаган.

Винпарк ҳиёбонидаги уй-бошмоқ, Бархер-Компаскюм

Кампир ҳақидаги Англиянинг болалар учун машҳур эртагида намоён бўладиган уйча кўпчиликни бефарқ қолдирмайди.

LEGO’дан ясалган черков, Энсхеде

Ҳар бир LEGO шинавандаси ва бошқалар бу ерга келиши керак. Конструкция шунчаки ажойиб. Унинг ичига кечги пайт кирсангиз қувончингиз чеки кўринмайди.

Шар-уйлар, Хертогенбос

Цемент ва шиша толадан қурилган ушбу футуристик уйлар бу ерда 1980 йилларда пайдо бўлган. Антиқа арзитектура лойиҳаси муаллифи Дрис Крейкамп бундай уйда яшовчилар табиатга яқинроқ бўлади, деб ҳисоблайди.

Эхcалибур биноси, Гронинген

Эхcалибур биноси – қояларга чиқишни машқ қиладиган алоҳида ўрнатилган энг баланд иморат ҳисобланади. Унинг баландлиги 37 метрга тенг.

Капсулали меҳмонхона, Гаага

Ушбу капсулали меҳмонхона шундоққина Гаага қирғоқлари яқинига ўрнатилган бўлиб, қутқарув гидроаппаратларидан ташкил топган.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.