Мадриднинг «Реал» жамоаси ҳужумчиси Криштиану Роналду «Америка»га қарши клублар ўртасидаги ЖЧ ярим финалида майдонга тушиб, битта голи билан жамосининг 2:0 ҳисобидаги ғалабасига ўз ҳиссасини қўшди. Мадридликлар мусобақа финалига чиқди, 31 ёшли футболчи эса клуб фаолиятидаги голлари сонини 500 тага етказиб олди, деб хабар бермоқда «Корреспондент.net».
Бундан ташқари унинг ҳисобида 166 та голли узатма мавжуд. Клубдаги фаолиятини 2002/2003 йилда бошлаган футболчига мазкур натижани қайд этиш учун 689 ўйин керак бўлди.
Таққослаш учун, «Барселона» етакчиси Лионель Месси клуб фаолиятини 2004 йили бошлаган бўлиб, клуб миқёсида 550 та ўйинда 475 та гол ва 185 та голли узатмага муаллифлик қилган.
Бундан ташқари, Роналду халқаро клуб турнирларидаги голлари сонини 100 тага етказиб, Мессидан кейин ушбу натижага эришган иккинчи футболчилар айланди. Криштиану 100 та голдан 96 тасини ЕЧЛда, 2 тасини УЕФА Суперкубогида ва 2 тасини клублар ўртасидаги ЖЧда киритган.
31 ёшли Роналду 4 карра «Олтин тўп» ва 4 карра «Олтин бутса» соҳиби саналади. 29 ёшли Месси 5 марта «Олтин тўп» ва 3 бора «Олтин бутса» мукофотини қўлга киритган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)