Конгресс Оқ уйнинг саратонга қарши дори воситасини қидириш бўйича ташаббусини молиялаштирди

АҚШ Конгресси Сенати 7 декабрь, чоршанба кунги мажлисида саратон, наркотик қарамлик ва нейродегенератив хасталикларга қарши курашиш учун маблағ ажратиш, шунингдек, янги дори воситаларини сертификация қилиш тартибини енгиллаштирувчи қонун лойиҳасини қабул қилди. Бу ҳақда «ТАСС» хабар бермоқда.

Мазкур қарор учун сенаторларнинг 94 нафари овоз берди, уларнинг бор-йўғи беш нафари қарши овоз берди.

Ушбу ташаббус фармакология соҳасидаги энг илғор ишланмаларни имкон борича тезроқ бозорга туширишга йўналтирилган.

Қонун чиқарувчилар Соғлиқни сақлаш миллий институтига 4,8 миллиард доллар ажратмоқда. Улардан 3 миллиард доллари Альцгеймер, шунингдек, бош мия шикастланиши оқибатлари каби хасталикларни даволаш усулларини қидириш, 1 миллиард доллари опиум эпидемиясига қарши курашиш учун сарфланади.

Яна 1,8 миллиард доллар Оқ уй томонидан жорий йил бошида йўлга қўйилган саратонга қарши дори воситасини қидириш бўйича дастурни ривожлантириш учун йўналтирилади. Дастурга шахсан Жозеф Байден раҳбарлик қилмоқда.

АҚШ президенти Барак Обама ушбу қонун лойиҳасини имзолашини маълум қилган.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.