AQSh Kongressi Senati 7-dekabr, chorshanba kungi majlisida saraton, narkotik qaramlik va neyrodegenerativ xastaliklarga qarshi kurashish uchun mablag‘ ajratish, shuningdek, yangi dori vositalarini sertifikatsiya qilish tartibini yengillashtiruvchi qonun loyihasini qabul qildi. Bu haqda “TASS” xabar bermoqda.
Mazkur qaror uchun senatorlarning 94 nafari ovoz berdi, ularning bor-yo‘g‘i besh nafari qarshi ovoz berdi.
Ushbu tashabbus farmakologiya sohasidagi eng ilg‘or ishlanmalarni imkon boricha tezroq bozorga tushirishga yo‘naltirilgan.
Qonun chiqaruvchilar Sog‘liqni saqlash milliy institutiga 4,8 milliard dollar ajratmoqda. Ulardan 3 milliard dollari Alsgeymer, shuningdek, bosh miya shikastlanishi oqibatlari kabi xastaliklarni davolash usullarini qidirish, 1 milliard dollari opium epidemiyasiga qarshi kurashish uchun sarflanadi.
Yana 1,8 milliard dollar Oq uy tomonidan joriy yil boshida yo‘lga qo‘yilgan saratonga qarshi dori vositasini qidirish bo‘yicha dasturni rivojlantirish uchun yo‘naltiriladi. Dasturga shaxsan Jozef Bayden rahbarlik qilmoqda.
AQSh prezidenti Barak Obama ushbu qonun loyihasini imzolashini ma’lum qilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)