Актёр Билл Мюррей 94 ёшли нотаниш аёлнинг туғилган кунида Happy Birthday to You қўшиғини куйлади, деб ёзади TJournal. У пенсионер аёл Мериэллен Хук Уиблни 3 декабрь кунги баскетбол мусобақасидан сўнг табриклади.
3 декабрь, шанба куни баскетбол матчи бўлиб ўтди, у тугагач, кекса аёлнинг невараси Ной Уибл томошабинлар орасида Мюррейни кўриб қолди. У актёрдан бувисини 94 ёши билан табриклашни илтимос қилди. Нойнинг сўзларига кўра, Билл жуда чарчаган ҳолатда бўлган, аммо шунга қарамай, рози бўлди ва ўзини жуда хушмуомала тутди.
Уиблнинг қўшимча қилишича, бу улар учун ўзига хос ҳодиса бўлган, чунки актёр билан суратга тушиш ва ундан дастхат олиш истагидаги кишилар узундан-узоқ навбатда турган.
Изоҳ (0)