Apple компанияси iPhone 7 камерасининг яхшиланган фокусига бағишланган 30 сониялик реклама ролигини тақдим қилди, деб хабар бермоқда Meduza.
Видеолавҳа Ромео ва Жульетта образидаги бола ва қизнинг диалоги билан бошланади. Шундан кейин камера ортга сурилади ва саҳна мактаб театри эканлиги ойдинлашади. Саҳнани болалардан бирининг отаси iPhone 7 ёрдамида суратга олаётган бўлади.
Ушбу видео орқали iPhone 7 камераси муҳим нарсаларга эътибор қаратишига урғу берилган. Ролик сўнгида «Сизнинг видеонгиз фильмларга ўхшайди» деган слоган чиқади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.