«Дарё»нинг 5 декабрь бўйича кечки дайжести куннинг энг муҳим воқеасига бағишланади.
Шавкат Мирзиёев Ўзбекистон Президенти этиб сайланди. Дастлабки маълумотларга кўра, у сайловчиларнинг 88,61 фоиз овозини қўлга киритган.
Ўзбекистон Президенти сайловида рўйхатга олинган сайловчиларнинг 87,73 фоизи қатнашди. Бу 17 миллион 951 минг 667 нафар сайловчи, дегани.
Шавкат Мирзиёевнинг сайловдаги рақиблари ўз мағлубиятларини тан олди. Биринчи бўлиб Ҳотамжон Кетмонов табриклади, Наримон Умаров халқнинг танловини ҳурмат қилишини билдирди, Сарвар Отамуратов эса янги Президентнинг «юксак лавозимдаги фаолиятига муваффақият тилади».
Бошқа давлат раҳбарлари Шавкат Мирзиёевни Президент сайловидаги ғалаба билан табрикламоқда. Тожикистон президенти Эмомали Раҳмон, Қирғизистон президенти Алмазбек Атамбаев ва Қозоғистон президенти Нурсултон Назарбоев биринчилардан бўлиб қутлов йўллади, Владимир Путин эса Мирзиёевни Россияга расмий ташриф билан келишга таклиф қилди.
Шавкат Мирзиёев сайловдаги ғалабасидан кейин тарафдорлари олдида чиқиш қилди. Instagram’да фаол санъаткорлар (масалан, Гулсанам Мамазоитова ва Юлдуз Турдиева мазкур тадбирдан фотосуратлар юклашни бошлаб юборган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)