Ўзбекистон Президенти сайловида халқаро кузатувчи сифатида иштирок этаётган Германиянинг Silk Road Company маданий-жамоатчилик компанияси директори Герхард Гюнтер Биркл ўз таассуротлари билан ўртоқлашди. Бу ҳақда ЎзА хабар бермоқда.
«Ўзбекистон Президенти сайлови юксак савияда ўтмоқда. Сайлов участкаларида ҳар бир фуқаронинг конституциявий ҳуқуқидан тўлиқ фойдаланишини таъминлаш, сайловни миллий қонунчилик ва халқаро демократик принсиплар асосида очиқ ва ошкора руҳда ўтказиш борасида барча шароит яратилган», — дейди Герхард Гюнтер Биркл.
«Участкаларда она ва бола хоналари ташкил қилингани менда катта таассурот қолдирди. Бу тажрибани Германияда ҳам қўллаш мумкин экан. Бу қулайлик сайловчини ўзи маъқул билган номзодга чалғимасдан, эркин овоз беришини таъминлайди», — деди германиялик кузатувчи.
«Ўзбекистоннинг халқаро нуфузи тобора юксалмоқда. Юртингизда туризм соҳаси изчил ривожланиб, хорижлик сайёҳлар оқими ортаётгани бунинг яққол тасдиғидир. Ўзбекистонга қилган сафарларим сарҳисоби ҳамда халқингизнинг бой тарихи, бугуни билан Германия ва бутун Европани таништириш мақсадида махсус галерея ташкил этганман. Унда буюк Амир Темур ҳақида ҳам маълумотлар бор. Бу галги сафаримда янада кўп маълумот йиғиб, уни янада бойитмоқчиман», — дея қўшимча қилди Герхард Гюнтер Биркл.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)