Тошкентда Captiva билан тўқнашган Matiz портлаб кетди, Captiva яна Epica’га ҳам бориб урилди (фото)

Тошкентнинг Юнусобод туманида 29 ноябрь куни оқшомда Matiz русумли автомобиль ёниб кетди. Бу ҳақда UZ24 хабар бермоқда.

Ҳодиса маҳаллий вақт билан соат 23:00 дан ўтганда, Амир Темур шоҳ кўчасининг «Қозоғистон» кинотеатри қаршисидаги қисмида юз берган.

«Qalampir.uz»нинг ёзишича, Matiz портлаб кетган — портлаш унга Captiva автомобили катта тезликда келиб урилиши оқибатида юз берган.

Captiva автомобили Matiz билан тўқнашувдан сўнг ҳам ҳаракатдан тўхтамай, йўл ёқасида турган Epica’га бориб урилган ва уни пиёдалар йўлакчасига чиқариб юборган.

Воқеа юз берган жойда транспорт ҳаракати тўхтатилган, Matiz’даги олов ўт ўчирувчилар томонидан ўчирилган.

Автомобиль нима сабабдан ёниб кетганига аниқлик киритилмаган. Жабрланганлар ҳақида маълумот йўқ.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.