Ford компанияси Mustang болалар электромобилини «трекшн назорат» билан жиҳозлади

Ford компанияси ўйинчоқ ишлаб чиқаурвчи Fisher-Price билан ҳамкорликда болалар учун «ақлли» электр автомобилни тақдим этди, деб ёзади 3DNews.

Mustang спорткарининг ихчам нусхаси Power Wheels бренди остида чиқарилди. Smart Drive Mustang автомобили мактаб ёшича бўлган болалар учун мўлжалланган бўлиб, аккумулятордан қувват оладиган юқори технологияли «транспорт воситаси»дир.

Қурилманинг энг қизиқ функцияси «трекшн назорат» тизимидир. Борт микрокомпьютери ҳаракат параметрларини кузатиб, мотор ишини оптималлаштиради, шу тариқа ғилдираклар, масалан, ҳўл ўт устида жойидан жилмай айланиб қолиши олдини олиш имконини беради.

Бундан ташқари, сенсорлар машинанинг ҳолатини назорат қилади ва ағдарилиб тушиш хавфи юзага келганида, қувватни тўлиқ ўчириб қўяди.

Сенсорли дисплей орқали максимал тезликни белгилаш, шунингдек, батарея қуввати даражасини кўриш мумкин.

Power Wheels Smart Drive Mustang кўк ва пушти рангларда 360 доллар атрофида сотувга чиқарилади.