Байрам макияжида ялтироқ зарралардан фойдаланамиз

Бир неча йил олдин ялтиратувчи ва ялтироқ зарралар бўлган макияждан фақат тўй-ҳашамлардагина фойдаланилган. Бугунги кунда ялтироқ зарралар — кўплаб фойдаланиш усуллари ўйлаб топилган косметик маҳсулотлардан биридир. Глиттер (декоратив ялтироқ зарралар)ларни ҳар куни қўллаш осон ва ёқимлидир: ювиб кетказишни ҳисобга олмаганда , уни суриш жуда осон. Бу Янги йил оқшоми ва бошқа тантанали кечалар учун энг яхши вариант.

Актуал пардоз-андозда лабларга ялтироқ зарралар суриш мақсадга мувофиқдир. Лаб юзасини тўлиқ глиттер билан тўлдириш шарт эмас. Шуни эсда тутингки, глиттер ҳар хил усулда суриладиган бошқа лаб бўёқлари билан ҳам уйғун бўла олади: лаб бўёғи глиттердан тўқроқ ёки очроқ рангда бўлиши мумкин, тилларанг ва кумушранг зарралар эса энг универсал ҳисобланади.

Иложи борича майда кукунли глиттерни ва ялтироқ зарралар осон ёпишадиган қуюқ лаб бўёғини танланг: ва сиз ўша бежирим қатламга эришасиз.

Айтишадики, ялтироқ зарралар — кўз остидаги салқиган терининг энг яхши корректори, бу гапда ҳам жон бор, лекин бунинг бошқа йўллари ҳам бор. Энг тез ва оддий усулларидан бири чизиқчалардир. Ялтироқ подводка ёрдамида шинам чизиқлар тортинг ва қиёфангизга яна бир жозиба қўшинг.

Ўтган йилидан бошлаб соч турмакларига ялтироқ зарралар сепиш урф бўла бошлаган эди. Хоҳласангиз сиз ҳам буни тажрибада синаб кўришингиз мумкин. Бунинг учун: сочингизни силлиқ қилиб тарайсиз ва фарқлар очиб бўлакларга ажратасиз, тўғрилайсиз ва бироз мусс ёки сочларни турмаклашда ишлатиладиган воск сурасиз. Кейин ялтироқ зарраларни ишга соласиз ва ажойиб соч турмаги тайёр!

Ҳар хил лаклар ва спрейлардан узоқроқ турганингиз маъқулроқ, сабаби, буларни пуркаш ёрдамида сочларни қалинлаштиришда етарлича натижага эришиш қийин, аксинча ёқимсиз ҳолатни бошдан кечириш осон. Минимализм руҳи остида глиттер ёрдамида ҳам алоҳида соч бўлакларини эҳтиёткорлик билан ажратиб олиш мумкин.

Маникюр санъатида ялтироқ зарралардан анчадан бери фойдаланилади. Ҳаммадан ёрқинроқ бўлишни хоҳлайсизми? «Ойнали» маникюр қилиб кўринг ёки ҳар куни сурадиган кул ранг қоплама устидан ялтироқ заррали лакдан бир-икки қават суриб кўринг.

Синаб кўринг ва ҳар қандай байрам кечасидаги энг ёрқин қиз бўлинг!