Чарм — либос тайёрлашда фойдаланиладиган энг кўҳна материаллардан биридир. У қайишувчан ва чидамли, ҳаво ўтказади ва шамолдан сақлайди. Чармдан тайёрланган кийим-кечаклар деярли ҳар доим урфда. Бироқ, қанчалик қулай ва универсал бўлмасин, чарм ўзига хос парваришни талаб қилишини ҳам ёддан чиқармаслик керак.
Чармдан ишланган буюмларни табиий материаллардан, масалан, пахта ёки зиғирдан тайёрланган пакет (қоп)ларда сақлаш лозим. Қопга солишдан аввал, қопнинг ичини ҳам, чарм маҳсулотни ҳам ҳар турли ифлосликлар ва чангдан тозалаш зарур. Бу буюмларни яхши сақлаш кафолатидир.
Чарм-тери маҳсулотлари сувдан қўрқмаса-да, бундай маҳсулотларни ёмғирли ҳавода киймаган маъқул. Сув тегишидан қочиб қутилиб бўлмаса, чарм кийимни қуригунича артиб, сўнг қуритиш учун осиб қўйиш керак — шунда ҳам унга қуёш нури тушмаслиги зарур. Чарм либосни фақат хона ҳароратида қуритиш даркор. Сув юқтирмайдиган спрейдан фойдаланиш ҳам зарар қилмайди.
Чармдан тикилган кийимни чанг ва кирлардан доимий тарзда тозалаб туриш керак — бу вазифани оддий нам латта ҳам зўр уддалайди. Бир ноқулайлиги — бу ишни чарм либос кўчага кийиб чиқилган ҳар кун қилиш лозим. Вақти-вақти билан чарм кийим-кечакни кимёвий тозалашга ҳам бериб туриш мақсадга мувофиқ. Бундай тозалашдан сўнг кийим, одатда, ўзининг дастлабки кўринишига қайтади.
Чарм пойабзални кийишдан аввал уни қора крем билан мойлаш, крем чармга сингганидан сўнг, уни духоба шчётка билан яхшилаб сайқал бериб ялтиратиш керак. Бундай пойабзални кийиш вақтида махсус қошиқчадан фойдаланишни қатъий тавсия этамиз.
Пойабзалдаги нохушни ҳидни йўқотиш учун уни, масалан, водород пероксиди билан қўшилган сувга чайилган латта билан бир артиб юбориш лозим. Чарм пойабзални ҳар куни, махсус шчётка ва крем воситасида тозалаб туриш керак. Ана шунда у сизга узоқ ва ишончли хизмат қилади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)