АҚШнинг CNN телеканали «Муқобил ўнг ҳаракат асосчисияҳудийлар ҳам инсонми дея савол бермоқда» деган экран ёзуви учун узр сўради. Бу ҳақда Meduza хабар бермоқда.
Мазкур титр миллатчи Ричард Спенсернинг фикрлари келтирилган The Lead кўрсатуви эфирида пайдо бўлди. Спенсернинг сўзлари ҳам экранда кўрсатилган ва тўлиқ ҳолда қуйидагича эди: «Улар умуман инсонми ёки бор-йўғи ҳиссиётсиз големларми (лойдан иборат афсонавий мавжудотлар), шу ҳақда ўйлаб кўриш керак». Аслида иқтибосда гап яҳудийлар ҳақида эмас, президентлик сайлови кампаниясини бир томонлама ёритган ОАВ ҳақида кетганди.
Эфирдан сўнг бошловчи Жим Шутто титр номақбул бўлганини тан олди ва уни экранга баҳс иштирокчилари эмас, продюсерлар чиқаргани эслатиб ўтди. Кўрсатув муаллифи Жек Теппер (Шутто кўрсатувни унинг ўрнига олиб борди) ёзувни «ўта тубан» деб атади ва, гарчи бу пайтда таътилда бўлса ҳам, у эфирда пайдо бўлгани учун жавобгарликни зиммасига олди.
Изоҳ (0)