Хонанда Лоланинг 21 ноябрь куни старт олган концерт дастурини меҳмон сифатида кузатиб борган «Даракчи» газетаси, ундаги воқеаларга батафсил тўхталишга ҳаракат қилди.
Белгиланган вақтдан ярим соат кечроқ бошланган дастурни Лола «Энди йўқ» қўшиғи билан очиб берган. Хореограф Татьяна Круглова саҳналаштирган рақслар Лоланинг ҳар бир қўшиғи мазмунидан келиб чиққани ва унинг руҳий ҳолатига мос тушгани айтиб ўтилган.
Лола концерт дастуридан ўрин олган қўшиқларининг тенг ярмини жонли ижрода куйлаган. Шу куни «Истиқлол»га ташриф буюрганлар «Сенга», «Орзу», «Севгимсан», «Йиғлар осмон», «Кўникмадим», «Қайтмайди», «Соғинч», «Хайр», «Хабар ол», «Соғиндим», «Билмайсан» каби қўшиқлардан баҳраманд бўлган.
Концертда куйланган ягона янги қўшиқ «Отмагай тонг» бўлиб, Лола миллий қўшиқларни ҳам маҳорат билан ижро эта олишини исботлаган. Қўшиқдан аввал ватан ҳақидаги фикрлари ва кечинмалари ҳақида ҳикоя қилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)