Xonanda Lolaning 21-noyabr kuni start olgan konsert dasturini mehmon sifatida kuzatib borgan “Darakchi” gazetasi, undagi voqealarga batafsil to‘xtalishga harakat qildi.
Belgilangan vaqtdan yarim soat kechroq boshlangan dasturni Lola “Endi yo‘q” qo‘shig‘i bilan ochib bergan. Xoreograf Tatyana Kruglova sahnalashtirgan raqslar Lolaning har bir qo‘shig‘i mazmunidan kelib chiqqani va uning ruhiy holatiga mos tushgani aytib o‘tilgan.
Lola konsert dasturidan o‘rin olgan qo‘shiqlarining teng yarmini jonli ijroda kuylagan. Shu kuni “Istiqlol”ga tashrif buyurganlar “Senga”, “Orzu”, “Sevgimsan”, “Yig‘lar osmon”, “Ko‘nikmadim”, “Qaytmaydi”, “Sog‘inch”, “Xayr”, “Xabar ol”, “Sog‘indim”, “Bilmaysan” kabi qo‘shiqlardan bahramand bo‘lgan.
Konsertda kuylangan yagona yangi qo‘shiq “Otmagay tong” bo‘lib, Lola milliy qo‘shiqlarni ham mahorat bilan ijro eta olishini isbotlagan. Qo‘shiqdan avval vatan haqidagi fikrlari va kechinmalari haqida hikoya qilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)