Ижтимоий тармоқларда «дунёдаги энг маъюс оқ айиқ» номини олган Пицца лақабли жонзот Хитойдаги савдо марказидан вақтинча океанариумга юборилди. Бу ҳақда Daily Mail хабар бермоқда.
YouTube’даги видеолавҳалари орқали танилган айиқ ўзи яшайдиган майдончанинг тузатиш ишлари якунлангунига қадар океанариумда бўлиб туради.
Хабарда қайд этилишича, Пицца океанариумда узоқ вақтдан сўнг осмон ва қуёшни яна кўра олади. Савдо марказида у ойна билан ўралган бетонли майдончада яшайди.
2016 йилнинг июль ойида айиқнинг биринчи видеоси тарқалганида, у кучли лоқайдлик ва руҳий тушкунликда бўлгани учун Интернет фойдаланувчилари жонзотни энг маъюс айиқ деб атади.
Оқ айиқнинг яшаш шароитига Animals Asia ташкилоти эътибор қаратди. Ҳайвонлар ҳимоячилари савдо маркази Пиццанинг яшаш шароитига тўғри келмаслигини таъкидлаб, унинг бошқа ерга кўчирилишига эришмоқчи.
Пицца савдо марказига харидорлар у билан суратга тушиши учун жойлаштирилган.
Савдо марказида, шунингдек, бўри, Арктика тулкилари, Шимолий қутб денгизида яшовчи йирик делфинлар ва морж болалари яшайди.
Изоҳ (0)