Ijtimoiy tarmoqlarda “dunyodagi eng ma’yus oq ayiq” nomini olgan Pitssa laqabli jonzot Xitoydagi savdo markazidan vaqtincha okeanariumga yuborildi. Bu haqda Daily Mail xabar bermoqda.
YouTube’dagi videolavhalari orqali tanilgan ayiq o‘zi yashaydigan maydonchaning tuzatish ishlari yakunlanguniga qadar okeanariumda bo‘lib turadi.
Xabarda qayd etilishicha, Pitssa okeanariumda uzoq vaqtdan so‘ng osmon va quyoshni yana ko‘ra oladi. Savdo markazida u oyna bilan o‘ralgan betonli maydonchada yashaydi.
2016-yilning iyul oyida ayiqning birinchi videosi tarqalganida, u kuchli loqaydlik va ruhiy tushkunlikda bo‘lgani uchun Internet foydalanuvchilari jonzotni eng ma’yus ayiq deb atadi.
Oq ayiqning yashash sharoitiga Animals Asia tashkiloti e’tibor qaratdi. Hayvonlar himoyachilari savdo markazi Pitssaning yashash sharoitiga to‘g‘ri kelmasligini ta’kidlab, uning boshqa yerga ko‘chirilishiga erishmoqchi.
Pitssa savdo markaziga xaridorlar u bilan suratga tushishi uchun joylashtirilgan.
Savdo markazida, shuningdek, bo‘ri, Arktika tulkilari, Shimoliy qutb dengizida yashovchi yirik delfinlar va morj bolalari yashaydi.
Izoh (0)