9 ноябрь куни, аксарият тахминларга қарши ўлароқ, Дональд Трамп АҚШ президенти сайловида ғолиб чиққани маълум бўлди. Meduza нашри жаҳоннинг етакчи газеталари йилнинг энг асосий сиёсий воқеасига қандай муносабат билдирганини ўрганиб чиқди.
USA Today: «Президент Трамп. Миллиардер-номзод рақибларини қақшатқич мағлубиятга учратди ва Оқ уй учун курашда ғалаба қозонди».
The New York Times: «Трампнинг ғалабаси. Тадбиркор-аутсайдер баҳсли штатларда Клинтонни ер тишлатиб, президентлик ўрнини эгаллади».
Los Angeles Times: «Трамп ғалаба қозонди. У сўровномаларнинг натижаларини йўққа чиқариб, ҳал қилувчи штатларни Клинтондан тортиб олди».
Tampa Bay Times (Трамп ғалаба қозонган Флорида штатининг асосий газетаси): «Президент Дональд Трамп. Унинг сиёсатчиларга қарши исёни Ҳиллари Клинтоннинг қақшатқич мағлубиятига сабаб бўлди».
The Washington Post: «Трамп тантана қилмоқда. Сайловчиларнинг мавжуд ҳолатга нисбатан нафрати Клинтоннинг мағлубиятига сабаб бўлди».
The Wall Street Journal: «Президент Трамп. Популизмнинг ўсиши республикачиларнинг кутилмаган ғалабасини таъминлади».
The New York Post: «Улар бундай бўлиши мумкин эмас, дейишган эди. Президент Трамп».
The Times (Буюк Британия): «Трампнинг парвози».
The Daily Telegraph (Австралия): «W.T.F. (саҳифанинг қуйи қисмида WTF аббревиатураси: «Трамп ишончни оқлай оладими?», қабилида кенгайтирилган).
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)