9-noyabr kuni, aksariyat taxminlarga qarshi o‘laroq, Donald Tramp AQSh prezidenti saylovida g‘olib chiqqani ma’lum bo‘ldi. Meduza nashri jahonning yetakchi gazetalari yilning eng asosiy siyosiy voqeasiga qanday munosabat bildirganini o‘rganib chiqdi.
USA Today: “Prezident Tramp. Milliarder-nomzod raqiblarini qaqshatqich mag‘lubiyatga uchratdi va Oq uy uchun kurashda g‘alaba qozondi”.
The New York Times: “Trampning g‘alabasi. Tadbirkor-autsayder bahsli shtatlarda Klintonni yer tishlatib, prezidentlik o‘rnini egalladi”.
Los Angeles Times: “Tramp g‘alaba qozondi. U so‘rovnomalarning natijalarini yo‘qqa chiqarib, hal qiluvchi shtatlarni Klintondan tortib oldi”.
Tampa Bay Times (Tramp g‘alaba qozongan Florida shtatining asosiy gazetasi): “Prezident Donald Tramp. Uning siyosatchilarga qarshi isyoni Hillari Klintonning qaqshatqich mag‘lubiyatiga sabab bo‘ldi”.
The Washington Post: “Tramp tantana qilmoqda. Saylovchilarning mavjud holatga nisbatan nafrati Klintonning mag‘lubiyatiga sabab bo‘ldi”.
The Wall Street Journal: “Prezident Tramp. Populizmning o‘sishi respublikachilarning kutilmagan g‘alabasini ta’minladi”.
The New York Post: “Ular bunday bo‘lishi mumkin emas, deyishgan edi. Prezident Tramp”.
The Times (Buyuk Britaniya): “Trampning parvozi”.
The Daily Telegraph (Avstraliya): “W.T.F. (sahifaning quyi qismida WTF abbreviaturasi: “Tramp ishonchni oqlay oladimi?”, qabilida kengaytirilgan).
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)