Tesla Motors раҳбари Илон Маск Лос-Анжелесда SolarCity компанияси билан ҳамкорликда ишлаб чиқилган янги лойиҳани тақдим этди. Бу ҳақда «РБК» хабар бермоқда.
Tesla қуёш энергиясини жамлайдиган уй монолит томлари ва Powerwall 2.0 ҳамда Powerpack энергия захираси тизимларини намойиш этди. Лойиҳанинг алоҳида хусусияти шундаки, том яхлит қуёш энергиясини тўпловчи панелдан иборат.
Маск томларнинг жами 4 моделини тақдим этди. Улардаги қуёш панеллари турли шаклдаги текис ойнадан иборат, шу тариқа уйларнинг турли дизайнига тўғри келиши мумкин. Tesla асосчиси бундай том бутун бошли уйни 100 фоиз қайта тикланувчи энергия билан таъминлашини билдирмоқда.
Изоҳ (0)