АҚШнинг Skinomi савдо тармоғи Motorola’нинг янги смартфони суратини расмий тақдимотга қадар эълон қилиб қўйди. Бу ҳақда «Корреспондент.net» хабар бермоқда.
Фотосуратда Motorola Moto M қурилмасининг олд панелини кўриш мумкин. Ишлаб чиқарувчи қурилма тақдимоти қачон бўлишини ҳозирча сир сақламоқда.
Миш-мишларга кўра, гаджет саккиз ядроли процессор, 8 гигабайт оператив хотира, 32 гигабайтдан 64 гигабайтгача фарқланадиган ички хотира ва бармоқ изи сканери билан таъминланади.
Аввалроқ сизиб чиққан бошқа маълумотларга кўра, қурилма диагонал ўлчами 5,5 дюйм бўлган Full HD экранга эга бўлади.
Moto M’нинг асосий камераси 16 мегапиксел, олд камераси эса 8 мегапиксел бўлади. Қурилма икки хил — кумуш ва тилла рангларда чиқарилиши кутилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)