Венесуэлада инфляция туфайли йирик купюралар зарб этила бошланди

Венесуэла марказий банки 5000, 10000 ва 20000 боливар номиналли банкноталар, шунингдек, минг боливар номиналли тангалар зарб этишга кўрсатма берди. Бу ҳақда, «Delinmediato.com.ve» порталига асосланиб, «Ведомости» хабар бермоқда.

Айтилишича, янги пуллар жорий йил охирига қадар фойдаланишга чиқарилади.

Венесуэлада 2013–2015 йиллар ҳисобига инфляция 300 фоизни ташкил этди. 2016 йилда бу кўрсаткич, Халқаро валюта жамғармаси прогнозларига кўра, 700 фоизга етади.