Боланинг дунёга келиши ҳар бир оила учун қувончли ҳодиса. Бироқ қувонч билан бирга баъзи молиявий харажатлар ҳам юзага келади — аравача, каравотча, кийим-кечак, тагликлар ва болалар таоми... Болалар хонасини ортиқча пул сарфламасдан безатиш мумкинми?
Девор ва шифтни безатиш учун қоғоздан қирқиб ясалган шаклчалар — баргчалар, капалакчалар, юлдузчалар, қушчалардан фойдаланинг. Уларни махсус елим ёрдамида ёпиштириш ёки арқончаларга илиб қўйиш мумкин.
Болалар хонасида оилавий альбомдаги суратлардан фойдаланиб шажара дарахтини «ўстириш» мумкин. Бу интерьер учун жуда чиройли безак бўлиб, аждодларга ҳурмат ва оила тарихига қизиқишни юзага келтиради.
Буюмларни сақлаш учун қўшимча жой яратишда қўлда ясалган махсус қутилар ёрдам беради. Картон қутилар, эски мебел ҳамда мевалар яшиги бунинг учун асос бўлиб хизмат қилади.
Агар кичкинтойингиз Lego’ни яхши кўрса, кичкина қисмчаларнинг йўқолиб қолиш ҳолати сизга таниш бўлса керак. Бу ҳолатда Lego жавонларидан фойдаланиш мумкин.
Унинг катта бўлакларини деворга ёпиштириб қўйсангиз, уларга ясалган одамчалар ёки бошқа майда қисмларни жойлаштириш жуда қулай бўлади.
Севимли китобчалар, дисклар ва картиналар ҳам болалар хонасини безатиб туриши мумкин. Бунинг учун унча чуқур бўлмаган жавончалар мос келади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)