Футбол бўйича Ўзбекистон миллий терма жамоаси бош мураббийи Самвел Бабаян «Чемпионат» нашрига берган интервьюсида Россиянинг «Оренбург» клубида тўп сураётган ўзбекистонлик футболчи Вадим Афониннинг терма жамоага чақиришга тайёр эканини маълум қилди.
– «Оренбург» сафида Ўзбекистон паспортига эга бўлган Вадим Афонин тўп суради. Унинг жамоада ўзига яраша ўрни бор. Лекин у Ўзбекистон термаси таркибида йўқ. Сабаби нимада?
– Афонин атрофида унинг фуқаролиги борасида турли гап-сўзлар келиб чиқмоқда. Шунинг учун, вазиятни ойдинлаштирсам. Мен Вадим билан гаплашдим, уни мамнуният билан терма жамоага жалб қилишимни айтдим, у ҳам бунга жавобан розилик билдирди. Бироқ ҳозир унинг паспорти билан боғлиқ ташкилий масалалар бунга халал бермоқда.
Яқин вақт ичида Афониннинг паспорти юридик кучга эга ёки йўқлини маълум бўлади. Агар паспорт юридик кучга эга бўлса, уни бўлажак ўйинга чақираман. Албатта, бундай даражадаги футболчи бизга ёрдам бера оларди ва у термага чақирилишга ҳақли. Ўзбекистон футбол федерациясидаги мутахассислар бу масала ечими устида иш олиб бормоқда.
Аввалроқ Вадим Афонин Ўзбекистон терма жамоаси сафида тўп суришга тайёр эканини билдирган эди. Афонин 2012 йилда Ўзбекистон термаси сафида бир марта ўртоқлик ўйинида майдонга тушган.
Изоҳ (0)