Тошкентлик Милано, давлат хизматчилари учун Тошкент пропискаси, комбайнда терилаётган Самарқанд помидорлари ва куннинг бошқа қизиқарли хабарлари

17 октябрнинг эътиборга молик янгиликлари — «Дарё»нинг кечки дайжестида.

1. Давлат ташкилотлари ходимлари Тошкент шаҳри ва Тошкент вилоятида доимий пропискага қўйилиши мумкин. Ходимлари доимий прописка олиши мумкин бўлган ташкилот ва компаниялар рўйхатида 59 идора номи бор.

2. Тошкентда 18 октябрь куни кечга томон ҳаво ҳарорати пасаяди, қор ёғиши мумкин. Нафақат Тошкентда.

3. Тошкентнинг Vario LF трамвайлари Самарқандга етиб келди. Эслатиб ўтамиз, Шавкат Мирзиёев 2017 йил Наврўзигача Самарқандда трамвай ҳаракатини йўлга қўйиш ҳақида кўрсатма берган.

4. Самарқандда помидорлар комбайнда териб олинмоқда. Помидорни йиғиштириб олаётган «ақлли» комбайн ҳар куни 5–6 гектар майдондаги ҳосилни йиғиб олишга қодир.

5. Сардор Милано: Тошкент менинг шаҳрим ва бундан кейин ҳам шундай бўлиб қолади. Унинг «Голос» шоусидаги чиқишида ўзини «Москвадан» деб таништиргани бир қатор эътирозларга сабаб бўлган эди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.