Қора — бизнинг бор-будимиз, кулранг эса элегентлик чўққиси эканлигини ҳеч ким рад этмайди. Аммо табиат сўлиб, атроф хиралашадиган куз фаслида ёрқин рангларга шунчалик эҳтиёж сезиладики!
Кузда сариқ, тўқ сариқ ва оч кўк деталларни сотиб олишдан қўрқманг, ахир уларни тўғри уйғунлаштира олсангиз, ҳайратланарли даражада юксак дидли қиёфалар яратилади.
Дизайнерлар битта қиёфадаги ранглар уч хил турдан ошмаслигини тавсия этади. Улардан бири устунлик қилади, иккинчиси унга урғу беради ва ажратиб кўрсатади, учинчиси эса нимага эътибор қаратиш кераклигига қараб, урғуни шунга беради.
Сизнинг эътиборингизга рангларни уйғунлаштириш бўйича бешта маслаҳат берамиз, улар ёрдамида кузни жуда гўзал қиёфада ўтказасиз.
1.Олхўри ранги ва оч жигаррангнинг бир қарашда зерикарли бўлган уйғунлиги оч сариқ рангни очади ва қиёфангизга ўзига хос мафтункорлик ҳадя этади;
2.Тўқ сариқ — ёзга хос ранг, деб ким айтди? Оч шафтоли ранги ва тўқ кўк билан биргаликда у ажойиб ансамбл яратади.
3.Барча учун севимли бўлган классика — асосий кўк + оч кулранг охра рангига қаратилган урғу билан мутаносибликни ҳосил қилади.
4.Мана бу уйғунлик эса ҳақиқий куз кайфиятига эга: бинафша ранг тўқ кўк ва оқ рангни бўрттириб кўрсатади.
5.Ҳам тўқ, ҳам оч рангли сочлар соҳибаларига бирдек ярашадиган гамма эса қуйидагича: хантал ранги ва жигаррангни тўқ кўк ажратиб кўрсатади. Йўл-йўл чизиқли кийим жигарранг қайиш билан ажойиб кўриниш касб этишини сиз ҳам сездингизми?
Изоҳ (0)