Туркиядан Москвага қайтаётган россиялик аёл самолётда оламдан ўтди

Россиялик турист аёл Туркиядаги курортлардан биридан қайтаётган чоғда самолёт бортида оламдан ўтди. Бу ҳақда «Интерфакс» хабар бермоқда.

Агентликнинг фавқулодда хизматлардаги манбаларига таяниб маълум қилишича, Azur air авиакомпаниясининг Boeing 757 самолёти Антальядан Москвага учаётган эди.

Парвоз чоғида йўловчилардан бири — 50 ёшли аёл ўзини ёмон ҳис қила бошлади. Лайнер қўнишидан олдин унинг жони узилди.

Дастлабки маълумотларга қараганда, аёл сурункали хасталикдан азият чекиб келган. Унинг тўсатдан кучайиб кетиши ўткир юрак етишмовчилиги хуружи билан тушунтирилиши мумкин.