Исроил Ҳарбий-денгиз кучлари Ўртаер денгизида фаол аёлларнинг кемаси «Зейтуна»ни тўхтатиб қолди. Улар Ғазо секторидаги денгиз блокадасини бузиб ўтишга уринган. Бу ҳақда Haaretz газетаси маълум қилди, деб ёзади «ТАСС».
«Исроил Ҳарбий-денгиз кучлари Ғазо блокадасини бузиб ўтиш учун йўл олган аёллар экипажидан иборат кемани тўхтатиб қолди», — деб хабар беради нашр.
Операция оқибатида жабрланганлар ҳақида маълумотлар келиб тушмаган.
Нашрнинг аниқлик киритишича, Исроил кучларига қаршилик кўрсатилмаган, кема йўналиши Ашдод шаҳри порти томонга ўзгартирилган.
«Зейтуна» кемаси бортидаги 13 нафар аёл орасида бир нечта парламентарий, Олимпиадада иштирок этган спортчи қиз, АҚШ армиясининг истеъфодаги полковниги ва Нобель мукофотининг совриндори, Шимолий ирландиялик Мейрид Корриган-Магуайр бўлган.
Изоҳ (0)