Шимолий Кореянинг асосий DNS-серверидаги носозлик туфайли мамлакатнинг .kp домен ҳудудида нечта сайт ишлаши маълум бўлди, деб ёзади «Hi-tech.mail.ru». Уларнинг барчасига бир неча дақиқа ичидаёқ кириб чиқишга улгуриш мумкин бўлиб чиқди — Шимолий Кореяда атиги 28 та сайт мавжуд экан.
Шимолий Корея домен ҳудуди ҳақидаги маълумотларни тадқиқотчи Метт Брайант қўлга киритди. Унинг сўзларига кўра, DNS-серверни тасодифан қайта созлашган, бунга тизим администратори хатоликка йўл қўйгани сабаб бўлиши мумкин.
Мамлакат сайтларининг катта қисми ҳукуматга тегишли ёки ҳукумат томонидан назорат қилинади. Бироқ истиснолар ҳам бор, масалан хусусий «Facebook» — friend.com.kp, Air Koryo авиакомпанияси сайти, Yahoo!’нинг клони — portal.net.kp, korfilm.com.kp видеоресурси мавжуд.
28 та сайтдан ўнга яқини очилмади, кўплари жуда секин юкланади. Кўпчилик ресурсларнинг дизайни 90 йилларни эслатади.
Изоҳ (0)