«Hi-tech.mail.ru» янги iPhone 7 Plus’ни ўн йилдан буён смартфонларни таъмирлаш билан шуғулланиб келган мутахассис билан бирга қисмларга ажратди. Тадқиқот қурилма таъмир натижасида энг муҳим хусусиятини йўқотишини кўрсатди.
iPhone 7 ва 7 Plus сувдан ҳимояланган корпусларга эга бўлди. Ҳимоя турли механизмлар, корпус ичига ва портлар яқинига жойлаштирилган елим ва зичлагичлар ёрдамида амалга оширилган.
Мутахассис таъкидлашича, смартфонни атайлаб сувга ботириш керак эмас. Бунинг устига, Apple вақт ўтиши билан сувдан ҳимояланиш сифати ёмонлашишини ва агар намлик кириб қолса, воқеага кафолат берилмаслигини айтди.
iPhone 7 ва 7 Plus қисмларга ажратилганида қурилмаларнинг сувдан ҳимоя функцияси йўқолади. Смартфонларда экранни металл корпусга бириктириб турувчи тасма узилади. Расмий сервис марказида бундай iPhone’ни янгисига алмаштириб беришлари мумкин, аммо Apple бунга изоҳ бермаяпти.
Изоҳ (0)