АҚШнинг National Interest нашри дунёнинг энг яхши денгиз, ҳаво ва қуруқликдаги қўшинлари рўйхатларини тузди. АҚШ, Россия ва Хитой учала рейтингдан ҳам ўрин олди, дея хабар берди «РИА Новости».
Нашр ҳисоб-китобларига кўра, АҚШ, Россия, Хитой, Буюк Британия ва Япония жаҳоннинг энг яхши флотларига эга. Субмариналар Россия флотининг асосий кучини ташкил этади: мамлакат ҳарбий-денгиз кучлари таркибига 15 та атом, ракета-торпеда қуролли 16 та, баллистик ракетали 9 та, қанотли ракетали 6 та сувости кемаси киради. АҚШда эса бошқа давлатларнинг барчасини жамлаганда ҳам кўп —10 та авиаташувчи бор.
Қуруқликдаги сара қўшинлар рўйхатига АҚШ, Хитой, Ҳиндистон, Россия ва Буюк Британия киритилган. Хитой пиёда қўшинлари 1,6 миллион ҳарбий хизматчига эга бўлса-да, 535 минг кишидан иборат Америка қўшинлари уларнинг орасида энг кучлиси саналади. Россияда бу кўрсаткич 285, Буюк Британияда эса 102 минг кишини ташкил этади.
National Interest сайёранинг энг аъло ҳарбий-ҳаво кучлари рейтингига фақат тўрт мамлакат —АҚШ, Россия, Хитой ва Японияни киритди. 1500 жанговар самолёт ва 400 ҳарбий вертолётга эга Россия ҳозирда «Т-50» бешинчи авлод қирувчи самолёти ва ПАК-ДА стратегик бомбардимончиси устида ишламоқда. АҚШда эса ҳарбий-ҳаво кучларининг 5,6 минг самолётидан ташқари, ҳарбий-денгиз кучлари таркибида ҳам 3,7 минг ҳаво кемаси мавжуд.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)