Америкалик актриса Анжелина Жолининг адвокати у Брэд Питт билан ажрашиш учун ҳужжатларни топширганини тасдиқлади. Бу ҳақда, BBC’га асосланиб, «Интерфакс» хабар бермоқда.
Айтилишича, никоҳни бекор қилиш учун асос сифатида актриса эри билан, хусусан, болаларни тарбиялаш масаласида жиддий ихтилофдалигини билдирди.
TMZ ресурсининг маълум қилишича, ҳужжатларда хиёнат ҳақида гап кетмаган.
Жоли аризасида, шунингдек, олти нафар фарзандини ўз қарамоғига олиш ниятини билдирган, аммо эри уларни кўриб туришига қарши эмаслигини маълум қилган.
2004 йилдан буён учрашиб юрган Жоли ва Питт 2014 йилда никоҳдан ўтган эди. Жуфтлик уч фарзанд кўрган, шунингдек, уч болани асраб олган.
Изоҳ (0)