Лос-Анжелесда рэпер Coolio ўғирланган қуролни сақлаганлик учун ҳибсга олинди

АҚШ ҳуқуқни муҳофаза қилиш органлари Лос-Анжелес аэропортига ўғирланган ўқланган қуролни олиб ўтишга уриниш ҳолати бўйича икки кишини қўлга олди. Улардан бири америкалик хип-хоп ижрочиси, Coolio номи билан танилган Кичик Артис Леон Айвидир. Бу ҳақда ABC канали маълум қилди, деб ёзади «ТАСС».

Каналнинг маълум қилишича, қурол 53 ёшли артистнинг сумкасидан топилган. Мусиқачи қурол топилган сумка унга тегишли эканини тасдиқлаган.

Coolio’ни қамоқдан озод этиш учун тўланиши керак бўлган гаров пули суммаси 37,3 минг долларни ташкил этади.

Coolio Gangsta Paradise номли альбоми учун 1996 йилда «Грэмми» мукофотига лойиқ деб топилган эди.