АҚШдаги сайловларда овозларни ҳисоблаш электрон тизимлари хакерлар ҳужумларидан ишончли ҳимояланган. Бу ҳақда мамлакат миллий хавфсизлик вазири Жей Жонсон маълум қилди, дея хабар беради «ТАСС».
Вазир томонидан тарқатилган ёзма баёнотда билдирилишича, сўнгги ойларда АҚШ расмийлари томонидан «сиёсий институтларга тааллуқли киберҳужумлар», шунингдек, штатлар даражасидаги тегишли идоралар компьютер тизимларида сақланаётган сайловчилар ҳақидаги маълумотларни қўлга киритишга қаратилган ҳаракатлар қайд этилган. Бироқ мамлакат ҳукумати сайловларда фойдаланиладиган компьютер тизимларининг сақланиш даражасига «ишонч билдиришда» давом этмоқда.
Шу билан бирга, Жонсон хакерларнинг операциялари тобора «устамонлик билан бажарилаётгани» ва «ҳушёр бўлиш лозимлиги»ни тан олди. Бундай киберҳужумларни бошқа давлатлар махсус хизматлари, айрим фаоллар, шунингдек, жиноятчи кимсалар амалга оширмоқда. Вазирлик сайловлар ўтказилиши учун масъул шахсларга тизимларни ҳимоя этишда ёрдам беришга тайёр.
Мансабдорнинг айтишича, охирги ҳафталарда қатор штатлар расмийлари шундай кўмак сўраб, вазирликка мурожаат этган. Жонсон қолганларни ҳам улардан ўрнак олишга чақирди.
Изоҳ (0)