Москвадаги Ғалаба маданият ва истироҳат боғида илк бор «КурбанFEST» фестивали ўтказилади. Унинг куз фаслидаги энг йирик мусулмон маданий-оммавий тадбирларлардан бири бўлиши кутилмоқда. Бу ҳақда Москва мусулмонлари диний бошқармаси матбуот хизмати маълум қилди, дея хабар беради «ТАСС».
Ташкилотчилар меҳмонларни таниқли кишилар билан қизиқарли учрашувлар, мусулмон халқлар маданияти билан танишув, танловлар ва болалар учун совғалар, кўргазма ва масжидга саёҳат кутаётганини билдирмоқда. Шунингдек, байрам концерти ва бепул егуликлар тортиқ этилиши ҳам кўзда тутилган.
Маълумот учун, «КурбанFEST» фестивали 12 сентябрь, қурбон ҳайити нишонланган кун Бошқирдистон пойтахти Уфада ҳам бўлиб ўтганди.
Изоҳ (0)