Футбол бўйича Ўзбекистон миллий терма жамоаси 6 сентябрь, сешанба куни Доҳада бўлиб ўтган ЖЧ—2018 саралаш учрашувида 1:0 ҳисобида ғалаба қозонди. «Дарё» мазкур учрашувдан матнли онлайн уюштирди.
Ўзбекистон миллий терма жамоасига ғалаба келтирган ягона гол учрашув асосий вақти якунланишига тўрт дақиқа қолганида ҳимоячи Егор Кримец томонидан киритилди. Голга иккинчи бўлимда захирадан майдонга тушган ҳужумчи Александр Гейнрих ҳаммуаллифлик қилди.
Футболчилар ушбу голни Ўзбекистоннинг Биринчи Президенти Ислом Каримов хотирасига бағишлади.
ЖЧ—2018 саралашининг ҳал қилувчи босқичида кетма-кет иккинчи учрашувда ғалаба қозонган бош мураббий Самвел Бабаян бошчилигидаги Ўзбекистон миллий терма жамоаси «А» саралаш гуруҳи пешқадамига айланди. Бундан аввал ўзбекистонлик футболчилар Тошкентда Сурияни мағлуб этган эди.Қайд этиш жоиз, саралашнинг 2-турида Ўзбекистон миллий терма жамоасининг қолган рақиблари ўзаро дуранг ўйнади — Жанубий Корея бетараф майдонда Сурия дарвозасига йўл топа олмаган бўлса, Хитой — Эрон учрашувида ҳам ҳисоб очилмади.
ЖЧ—2018 3-саралаш босқичи, 2-тур 6 сентябрь, сешанба
Қатар — Ўзбекистон 0:1
Гол: Егор Кримец, 85 (0:1).Қатар: Умар Барри — Муҳаммад Муса, Абдулкарим Ҳассан (Педро Мигел, 80), Аҳмад Ас-Саид, Родриго Табата (Али Асадилла, 62), Ҳассан Ал-Ҳайдос (Исмоил Муҳаммад, 71), Акрам Афиф, Буалим Хухи, Аҳмад Ёсир, Карим Будиаф, Себастьян Сория.
Ўзбекистон: Александр Лобанов — Ислом Тўхтахўжаев, Егор Кримец, Анзур Исмоилов, Виталий Денисов, Отабек Шукуров, Одил Аҳмедов, Сервер Жепаров (Жавоҳир Соҳибов, 82), Элдор Шомуродов, Сардор Рашидов (Александр Гейнрих, 59), Игорь Сергеев.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)