Хитойнинг Meizu компанияси янги металл смартфонни тақдим этди, деб ёзади «Hi-tech.mail.ru». Бақувват ва арзон Meizu Max катта экранга эга бўлди, унинг диагонали 6 дюймга тенг.
Meizu Max’нинг дизайни 2016 йилги Melian оиласидаги смартфонларникига ўхшаш — айлана бурчаклар, металл орқа корпус, қўш ёруғлик диодли вспишкага эга йирик камера. Унумдорлиги ҳам муносиб — юқори иш кўрсаткичларини Heliо P10 чипсети ва 3 Гб тезкор хотира таъминлайди.
Смартфонга, шунингдек, 64 Гб ички хотира (128 гигабайтгача microSD), 6 дюймли ва 1920×1080 пикселли экран, 13 мегапикселли асосий ва 5 мегапикселли олд камера, 4100 мА/соат сиғимли аккумулятор (чиқариб олинмайди) ўрнатилди.
Қурилма Android 6.0.1 Marshmallow асосидаги Flyme OS 5.2 қобиғида ишлайди. Ўлчамлари 163,3×81,6×7,9 миллиметрга, оғирлиги эса 189 граммга тенг.
Meizu Max Хитойда сотувга чиқиб бўлди. Смартфон нархи — 1699 юань (тахминан 260 доллар).
Изоҳ (0)