Google компанияси октябрь бошида янги қурилмалар тақдимотини ўтказади, булар Pixel бренди остидаги иккита смартфон, Chromecast медиаплеери ва Google Home «ақлли» ёрдамчи янгиланмаси ҳамда, эҳтимол, VR-шлем, дея хабар бермоқда «Hi-tech.mail.ru» Android Police’га таяниб.
Интернетда Google Nexus брендидан Pixel фойдасига воз кечишни режалаштираётгани ҳақида анчадан буён миш-мишлар юрибди. Бу ном остида Chromebook Pixel ноутбуки ва Pixel C планшети чиқиб бўлган.
Google ушбу линейкани кенгайтирмоқчи ва, миш-мишларга кўра, иккита — Pixel ва Pixel ХL смартфонларини тақдим этишни кўзламоқда. Баъзи маълумотларга кўра, ушбу қурилмалар HTC ва Huawei билан ҳамкорликда Sailfish ва Marlin шартли номлари остида ишлаб чиқилмоқда.
Шунингдек, Google компанияси янгиланган Chromecast Plus (Ultra) медиаплеерини тақдим этиши керак, ундаги асосий янгилик — тасвирнинг 4K сифатли бўлишидир. Бундан ташқари, Google Home уй ёрдамчисининг якуний версияси ҳам намойиш қилиниши мумкин.
Изоҳ (0)