Turing Robotic Industries 2017 йилда маҳсулдорлиги ўртача ноутбукникидан юқори бўладиган смартфонни чиқаради, деб ёзади «Hi-tech.mail.ru». Turing Phone Cadenza иккита бақувват чипга эга бўлади, шунингдек, бошқа хусусиятлари ҳам ҳайрон қолдирадиган даражада бўлади.
Turing Phone Cadenza иккита Qualcomm Snapdragon 830 ўта унумдор чиплари асосига қурилади. Шу туфайли смартфонга иккита тезкор хотира модули ўрнатилади.
Смартфон камераси тўртта матрицани ўз ичига олади, бу унга iMAX 6K сифатидаги видеони суратга олиш имконини беради. Учта аккумулятор, композит материалдан корпус, сунъий интеллект инструментларига эга операцион тизим — бозорга ҳали бунақаси чиқарилмаган эди.
Turing Phone Cadenza 12 Гб тезкор хотира (6 гигабайтдан иккита модуль), 5,8 дюймли ва 1440×2560 пикселли экран, 60 мегапикселли асосий ва 20 мегапикселли олд камера, 1 Тб ички хотира, 2400 мА/соат сиғимли графенли ва 1600 мА/соат сиғимли литий-ионли аккумуляторга эга.
Изоҳ (0)