Татаристон мусулмонлари Саудия Арабистонида ҳаж амалларини ўташ чоғида Қозон рамзлари Россия марказий банки купюрасидан ўрин олишини сўраб, дуо қилмоқда. Бу ҳақда республика муфтийсининг биринчи ўринбосари Рустам Батров маълум қилди, дея хабар беради «РИА Новости».
Қозон кўриниши Россия марказий банкининг 200 ва 2000 рубль қийматидаги янги купюраларида пайдо бўлиши мумкин бўлган 10 та шаҳар қаторига кирди. Улар орасида Петрозаводск, Севастополь, Владимир, Сочи ва бошқа шаҳарлар бор. 5 сентябрь, душанба куни бўлажак банкнотлар учун рамзларни танлаб олишнинг якуний, учинчи босқичи бошланди.
Номзод шаҳарлар рўйхати «Жамоатчилик фикри» фонди томонидан мамлакат аҳолиси ўртасида ўтказилган сўров натижаларига кўра шакллантирилди. Якуний овоз бериш «Россия 1» телеканалининг 7 октябрдаги тўғридан-тўғри эфирида бўлиб ўтади. Банкнотлар эса 2017 йил охирида муомалага киритилиши кўзда тутилган.
Изоҳ (0)