2016 йил бошида режиссёр Рустам Саъдиевнинг «Барон» номли фильми катта экранларга чиқди ва кинотеатрларни томошабинларга тўлдириб, катта шов-шув кўтарди: мамлакатнинг энг катта киносаройлари кўп йиллардан бери томошабинлар билан бу қадар тўлмаган эди.
Томошабинларнинг юқори даражадаги қизиқишидан келиб чиқиб, кўпчилик бу фильм ўзбек кинематографияси тарихида мисли кўрилмаган даражада даромад кўриши ҳақида фикр билдира бошлагани ҳамоноқ, видеоқароқчилар фильм дискларини бозорларга чиқариб юборди.
«Барон»дан аввал Рустам Саъдиевнинг «Сотқин», «Паноҳ» номли фильмлари ҳам худди шу ҳолга тушган эди — видеоқароқчилар фильм дискларини бозорга чиқариб юбориши оқибатида, фильм ижодкорлари молиявий жиҳатдан етарлича катта зарар кўрган. Қайд этиш жоиз, Саъдиев видеоқароқчилар нишонидаги ягона режиссёр эмас.
Журналист Феруз Муҳаммад махсус сўровнома ўтказиб, фаолияти давомида видеоқароқчилардан куйган режиссёрлар рўйхатини тузди — уларнинг нисбатан муваффақиятли фильмлари намойиши киносаройларда давом этаётган бир вақтда видеоқароқчилар бу фильмларнинг дискларини ноқонуний равишда бозорларга чиқариб юборган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)