Рио—2016 йўли давомида боксчи Муроджон Аҳмадалиевга Cobalt, Malibu, 2 хонали уй ва 75 минг АҚШ доллари насиб қилди

Рио—2016 Олимпиадасининг 56 килограммгача бўлган боксчилар ўртасидаги мусобақасида бронза медалини қўлга киритган Муроджон Аҳмадалиевга Наманган вилояти ҳокимлиги томонидан икки хонали хонадон калити топширилди. Бу ҳақда ҳокимлик матбуот хизмати хабар берди.

Қўлга киритган бронзаси учун Муроджон Аҳмадалиев ваъда қилинган 75 минг АҚШ доллари ҳамда Malibu автомашинасига ҳам эга чиққанди.

Маълумот учун, 2015 йил Қатар пойтахти Доҳа шаҳрида бўлиб ўтган Жаҳон Чемпионатида кумуш медаль билан тақдирланган ва Олимпиада йўлланмасини қўлга киритган Муроджон Аҳмадалиевга Наманган вилояти ҳокимлиги томонидан Cobalt машинаси совға қилинганди.

Муроджон Аҳмадалиев Олимпиада совриндори бўлган наманганлик илк спортчи ҳисобланади.