Самвел Бабаян бошчилигидаги Ўзбекистон миллий терма жамоаси ЖЧ–2018 саралашининг 3-босқичига тайёргарлик доирасида 24 август куни Тошкентда Буркина-Фасога қарши ўртоқлик учрашуви ўтказади.
Ўзбекистон футбол федерацияси матбуот хизматининг маълум қилишича, бугун, 23 август куни ҳар икки жамоа расмийлари ўртасида учрашувнинг ташкилий масалалари юзасидан мажлис бўлиб ўтди. Шунингдек, ушбу тадбир давомида ҳар икки жамоанинг ўйинда қайси рангли футбол либосида майдонга тушишлари борасида келишиб олинди.
24 август куни, «Пахтакор» стадионида соат 20:00 да бошланадиган ўртоқлик учрашувида Ўзбекистон миллий терма жамоаси кўк, Буркина-Фасо эса яшил рангли футбол либосида майдонга тушадиган бўлди. Мазкур учрашувни Шерзод Қосимов бошчилигидаги ҳакамлар гуруҳи бошқариб боради.
Изоҳ (0)