АҚШнинг «Луизиана» атом сувости кемаси Вашингтон штати соҳилбўйи яқинида кичик таъминот кемаси билан тўқнашди. Бу ҳақда мамлакат ҳарбий-денгиз кучларининг Тинч океани флоти қўмондонлиги маълум қилди, дея хабар беради «РБК».
Қўмондонлик хабарида ҳодиса 18 август, пайшанба куни «одатий амалиётлар»ни ўтказиш чоғида рўй бергани билдирилган. Икки кема ҳам шикастланишларни бартараф этиш учун портларга мустақил йўл олган. Тўқнашув туфайли жабрланганлар бўлмаган.
Айни пайтда мутахассислар кемалар олган шикастланишларни баҳоламоқда. Юз берган ҳодиса сабаблари ўрганилмоқда, унинг тафсилотлари ошкор этилмади.
Изоҳ (0)