Ўзбек шоу-бизнеси вакиллари Instagram’даги саҳифаларида аянчли йиғлаётган болалар ва «Дунёнинг беринг болажонларга» ёзуви экс этган суратларни эълон қила бошлади.
Суратларда асосан жаҳоннинг қуролли низолар юз берган ва бераётган ҳудудларидаги болалар акс этган. Уларда вайронагарчиликлар, йиғлаётган ёки ачинарли аҳволда турган болаларни кўриш мумкин. Ҳар бир суратда «Дунёнинг беринг болажонларга» ёзуви бор.
Машҳурларнинг аккаунтларида баъзан бир хил суратлар эълон қилинмоқда. Хусусан, хонанда ва актёр Жаҳонгир Позилжонов, режиссёр Жаҳонгир Аҳмедов ва хонанда Дилсўзнинг профилларида бир хил, «Афруз» гуруҳи ҳамда «Sayyod.com» сайти профилида ҳам бошқа турдаги бир хил суратлар эълон қилинган.
Бу қандайдир янги акциями ёки шоу-бизнес вакилларининг мустақил ташаббуси — бунга аниқлик киритилмаган. Мазкур суратлар нима муносабати билан эълон қилинаётгани ҳам аниқ эмас. Суратлар остида фойдаланувчиларнинг аксарияти бу суратлар нима сабабдан эълон қилинаётгани ҳақида кўплаб саволлар қолдирган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)